Google jab website ko front page par dikhata hai to wo kayi baato ko dhyan me rakhta hai jaise ki aapke articles ki quality, aapke Social Media par followers. Google ab aapki website ki ranking ke liye Page Speed yani ki kis raftar se aapki website load hoti haiusko bi manta hai.
Aur ye ek simple si baat hai ki agar aapki website bohot der me khul rahi hai to aapka visitor paresha ho jayega, jisse ki aapki website par traffic aur quality dono kam ho jayege. Isliye hume apne blog ko is tarha optimize karna cahiye jisse ki hamari website jada se jada jaldi khule.
Blogger par hum speed bhadane ke liye jada kuch nahi kar sakte, kyoki blogger blog ka jadatar control Google ke hato me hai. Lekin hum aisi kuch tricks laga sakte hai jisse speed bhad sakti hai, is article me hum unhi tariko ke baare me seekhege.
Blogger ki Loading Speed bhadane ke tarike
1. Images Optimize kare
Hamari website par sabse jaada load images ka hota hai, kyoki images ka size jada hota hai. Images ko optimize karne ka matlab ki hum images ko is tarha se format aur size me daalege jisse ki images ki Quality bhi kum na ho lekin images ka size jitna ho sakta hai utna kum ho jaye.
Images ke do formats hote hai .png aur .jpg. Aapne aam tor par internet se images download karte hue in do formats ko jaroor dekha hoga. In dono formats me farak hai aur agar hum sahi image ke liye sahi format ka use karege to hamari images ka size kum aur quality jaada ho jayegi.
JPG image format
.jpg format mai hum wo photos daalte hai jinme bohot saare colors ka use hota hai. Jaise ki jab hum apne mobile camera se photo lete hai tab wo 5MP ka camera 50 lack pixels ki photo kheechta(click) hai, aur ye 50lakh chote chote alag-alag color ka pixels milkar ek poori image banate hai.
Aap pixels ko dekhne ke liye camera se khichi hui Image ko zoom karke dekh sakte ho.
PNG image fromat
Jab hum thode bohot colors ka use karke computer dwara digital image banate hai to hum use .png format me save karte hai. Maan lijiye ek logo hai, ya kisi kitab ka cover hai uske jaada se jaada 100 colors ka use ho jayega. To aisi images me pixels to jitne marji ho lekin color kam hote hai.
Agar aap graphic image ko zoom karke dekhege to isme camera se li gayi image ke mutabik kaafi kam colors hote hai.
Rule yaad rakiye Graphic (kam colors wali images) ko PNG format me save kare aur Photos (camera ye li gayi) photos ko JPG format me save kare.Agar aap is rule se kaam karege to aapki images ka size chota rahega aur quality bhadia
2. Image me ALT text aur Properties lagaye
ALT text ka matlab hai Alternate Text jo ki hum har ek image ko de sakte hai, Alt text ko hum apne image ka naam ke sakte hai. Agar kabhi kisi problem ke kaaran visitor ke browser me aapki Image load nahi hoti to use image ki jagha ALT text likha aa jata hai, jisse ki visitor ko pata chal jata hai ki yaha se koi image missing hai aur wo image ki baare me thi.
ALT text lagane ke ye bhi fayada hai ki Google Search Engine aapki image ko ache se pad sakta hai aur jaan sakta hai ki ye image kis baare me hai. Jisse ki aapki image Google Images me upar rank krati hai, aur aapki website par traffic bhadta hai.
Hume Alternate text ke sath sath Title text bhi daal sakte hai. Ye title text image ke upar mouse lijane ke baad dikhta hai.
Blogger me ALT text aur Title Text daalne ke liye Post Editor me apniImage par click kare. Ek box aa jayega, us box me se Properties select kare.
Ab ek light box aa jayega, isme aap dono Title aur Alt text daal sakte hai.
3. Light weight aur Simple Template use kare
Hum logo ko aksar aise template pasand aate hi jine bohot kuch ho, jinko dekhkar website bohot hi sundar dikhe. Lekin aise templates hamari website ki speed bohot slow kar sakte hai.
Agar aap kahi inexperienced blogger ki website dekhoge to unke blog bohot hi heavy hote hai, aur is galti ki wajha se unke blog par kabhi traffic nahi aa pata.
Template me ye kuch khasiyate honi cahiye:
- Light weight: Isse hamara matlab hai ki template ka size chota hona cahiye aur isme jada heavy images ka use nahi hona cahiye.
- Simple aur Minimal: Simple template wo template hota hai jisme visitor ko dekthe hi article samajh aa jaye. Minimal ka matlab hai ki template me bohot jaada faltu ki cheeze nahi honi cahiye, sirf wo cheeze honi cahiye jo visitor waha cahta hai.
4. Responsive design use kare
Google ka Page speed ko apni Ranking ki list me shamil karne ka ek ye bhi kaaran hai ki jadatar log website mobile se chalate hai. 70% – 80% traffic aaj kal mobile se aata hai. To website itni light aur fast honi cahiye ki wo mobile me bina kisi problem ke khul sakte.
Aisi websites jo apne design ko screen ke size ke hisab se adjust kar leti hai unhe Responsive website kehte hai. Responsive website ko jab aap Computer par khologe to alag dikhegi, aur jab mobile par khologe to mobile ke hisab se simple aur clean dikhegi.
Koshish karo ki jo bhi aap template use kar rahe ho wo Responsive hai.
5. Kam se Kam Gadgets/Widgets use kare
Blogger hume Gadgets deta hai jo ki hum apne blog me extra features add karne ke liye use kar sakte hai. Lekin kayi saare blogger is features ka inta use karte hai ki unki website par upar se neeche tak Gadgets bhar jate hai.
Kayi baar to itne Gadgets ho jate hai ki Blog ki speed 10-20x ham ho jati hai. To agar aapko apne blog ki ranking ki fikar hai aur aap cahte ho ki aapke visitors aapke blog ko pasand kare to kam se kam Gadgets ka istimaal karo.
6. Read More (Jump Break) ka use kare
By default blogger apne home page par poori post dikhata hai, jisse ki hamara blog ka home page bohot lamba ho jata hai. Aur visitor ko posts dekhne mai pareshani hoti hai. Aur page ki lambai bhadne ke sath sath page ka size bhi bhad jata hai jisse ki aapki website ki speed kam ho jati hai.
To iske liye hum apne Blogger post editor me diye gaye Jump break ka use kar sakte hai, jo ki home page par thodi se post dikhane ke baad Read More ka button laga deta hai. Visitor Read more par click karke aage ki poori post padh sakta hai.
Maine aapko is lambi se post me apni website ki speed ko bhadane ke kuch tarike bataye hai agar aapko isse har kar koi tarika pata hai to hume comments mai jaroor bataye, hum usko apni post me jaroor shamil karege.