Aapne apne blogger account bana liya leking kya aapko pata chal raha hai ki aapke blog par traffic aa raha hai ya nahi. Ab aap kahege ha blogger mai Traffic stats check kar sakte hai. Lekin blogger ka traffic stats bas aapko aadhi adhoori jaankari deta hai, Poori jaankari ke liye Google hume ek tool deta hia Google Analytic.
Poori jaankaari se mera matlab ye hai ki aapko apne visitor ke baare mai har cheez pata chal jaegi, jese ki aapke visitor ke age group, aapke visitor kon kon se page par kitna time laga kar jaa rahe hai aur aapke blog par kitne log abhi live hai.
Analytic ka fayada ye hai ki ab hum jaan sakte hai ki hamare blog ki audience kya hai aur hum us hisaabse apne blog ka design aur articles ko change kar sakte hai.
Is article me mai aapko Apne blogger blog mai Google Analytic lagana sikhauga.
Google Analytic Par Account Kaise Banaye
Google analytic ko hume apne blog se jodne ke liye hume ek Tracking ID cahiye hoti hai, is ID ko hum apne Blogger account mai daalkar Analytic se jod sakte hai. Tracking ID prapt karne ke liye Analytic ka account hona jaroori hai. To chaliye account banana seekhte hai.
Step 1: Apni Google ID ko login rakhe, https://www.google.com/analytics/ par jaye aur “SIGN IN TO GOOGLE ANALYTICS” par click kare.
Phir Sign Up button par click kare
Step 2: Website ke liye form fill kare.
- Website select kare. Mobile app android ki applications ke liye hota hai
- Account Name: Yaha Main account ka naam daale. Is main account ke andar aapki sabhi website track hogi.
- Website Name: Yaha jis website ko track karna hai uska naam daale
- Website URL: Apne blog ka url link copy kare
- Apne blog ki Category select kare
- Apni country select kare
Aage Padhe:
- Blogger Blog ka Post Editor vistar se !
- Blogger ka Font kaise badle ?
- Blogger Blog me Stylish search box kaise lagaye ?
Neech scroll karke Get Tracking ID par click karde.
Terms and Conditions accept kare
Step 3: Ab aapki website ke liye analytics account khul jaega. Agle page par se tracking ID copy kare
Ab humarse pass tracking id aa gai hai, Ab is analytic account ko blogger account se jodne ke liye tracking id ko hume apne Blogger blog mai daalna hai.
Google Analytics ko Blogger se connect kare
Step 1: Apne blogger account mai login kare aur apne blog ke dashboard mai jae
Step 2: Left menu me se Settings ke andar Other par click kare.
Other page ke ander se Google Analytics field mai apni Analytics ID paste karde
Step 3: Save setting par click kare, 24 ghante ke andar andar aapka blogger account analytics account se connect hojaega.
Ab aapne blog ki traffic report check karne ke liye apne analytics account ke menu mai se Report par click kar sakte hai.
Shuru mai ye dashboard khali dikhega, kyoki abhi account connect nahi hua hai, agar aapke blog par traffic aa raha hai to 24 ghante ke andar andar ya aapko traffic report dikhni shuru hojaegi.
Is article mai mene aapko analytics account banana aur blogger blog se connect karna sikhaya, agar aapko is article se sambandhit koi bhi jaankair cahiye to neeche comment kare.
Agar aap analytics ke dwara apne traffic (ya customers) ko achi tarha samajh payege to aap apna blog jada behtar bana sakege aur jada traffic la sakege.
Dhanaywaad 