Agar aap aksar internet ke baare me padhte ho to aapne pakka kahi na kahi blog ya website ka jikar hote to jaroor dekha hoga. Kayi logo ko website banane me interest hai aur kahi log Internet par blog banane ke tarike dhundte rehte hai. Lekin bohot se logo ko ye nahi pata ki Blog aur Website ke beech me kya farak hai.
Is article me hum Blog aur Website ke beech me difference par baat karege.
Website kya hai?
Mai aapko ek example deta hun, Maan ligiye aapka ek business hai. Usme aapka kaam logo ko samaan bechna hai, jis tarha samaan bechne ke liye aapko ek dukaan ki jaroorat hoti hai, bilkul usi tarha internet par website aapki dukaan ki tarha kaam karti hai.
Website par log sirf kaam se aate hai.Flipkart iska ek accha example hai. Websites internet par aapke business ke pehchaan banane ke kaam aati hai, website banane se logo ko bharosa ho jata hai ki aapka kaam fargi nahi hai.
Aaj ke samye me lagbhag har ek business ki apni website hai. Aur to aur ab har sarkari kaam online websites par hi hota hai, Ration card, Aadhaar card, Income Tax aur abhi abhi Government ne nayi website banayi hai jispar aap apne jaroori documents surakshit rakh sakte ho.
Ab mai aapko blog ke baare mai btata hun, isse aapki confusion door ho jayege.
Blog kya hota hai ?
Blog ek prakar ki website hai, farak ye hota hai ki blog par samye samye par articles dalte rehte hai. Jaise ki hamari website vikasplus ek blog hai, aap aajtak news website ko bhi ek blog keh sakte hai.
Kehne ka matlab blog par logo ko time to time kuch na kuch naya milta rehte hai. Aap apni life ke baare me bhi blog shuru kar sakte ho, aap apne blog par kavitaye bhi likh sakte ho. Maan lijiye apka Art me bohot interest hai to aap har 2-3 din baad kuch naya banakar daal sakte ho.
Blog ka kya fayada hai ki log ispar baar baar aate rehte hai, jaise aap news bar bar dekhte rehte hai. Lekin website par cheeze lagbag ek jaisi rehti hai, aur waha aap tabhi jaate hai jab aapko use company se kuch kaam hota hai. Lekin blog par aap nai nai updates lene roj jaate rehte hai.
Blog par bhoto jada cheeze ikkathi ho jati hai kyoki blog par kuch na kuch naya update hota rehta hai. Aur hum Google par search kaise karte hai? Likh kar. To jaha par jada likha hoga Google usi ki website ya blog apni list me upar dikayega. Is maamle me blog ko jada fayada milta hai aur jada traffic aata hai, jisse ke blog ko paise kamane ya customers banane me jada fayada ho jata hai.
Ek ache blog ka maksad logo ko kaam ki baate batana hai, blog ka maksad kuch benchna nahi hona cahiye. Haan aap kisi cheez ke baare me likh kar traffic laa sakte hai apne blog par aur us traffic ko aap customers me badal sakte hai, ek alag website ya page banakar (jaha aapka koi product ho bechne ke liye). Blog par kuch kaam ka likhoge tabhi log dubara aapke blog par aayege.
Blog aur Website eksath
Jitni bhi badi badi companies hai wo dono cheeze ek sath karti hai, unhone apni website ke andar hi blog bana rakha hai. Blog hone se unki website Google ke top par bani rehti hai aur traffic aata rehta hai. Us traffic ko ye log apne customer me badal lete hai.
Mera ye manna hai ki agar aap apne business ko internet par market karna cahte ho to dono hi cheeze hona bohot jaroori hai.
Aap kya seekhna cahte hai? Neeche diye box me comment karke hume bataye ki aap kya seekhna cahte hai. Hum us hisaab se apne aane wale articles par dhyaan denge.
Microsoft ke sansthapak Bill Gates ka kehna hai ki “If your business is not on the Internet, then your business will be out of business.”
“Agar aapka business Internet par nahi hai, to aapka business khatam ho jayega.” – Bill Gates
Thank for Learning.