Blogging ek bohot bhadia saadhan hai jisse aap logo se jud sakte hai aur apni baat keh sakte hai. Jaisa ki maine apne pichle article me bhi kaha agar aap logo ko koi value ki cheeze dete hai tabhi log aapko paisa denge.
2015 me blogging sirf ek apne vichar share karne ka ya kisi ko kuch sikhane ka madhyam hi nahi reh gaya hai. Aaj ke time me ek acche blog se ek achi income kar sakte hai.
Hum me se bohot logo ko AdSense ke baare me pata hai, lekin internet par bohot se aise tarike hai jo aapkoAdSense se bhi acche paise de sakte hai. In tariko ko use karne ke baad aapko sirf AdSense par hi nirbhar nahi rehna padega.
Is article me mai aapko kuch aise tarike batauga jinse aap apne blog ko paisa kamane ke liye monetize kar sakte ho.
Google Adsense
Google adsense purana tarika hai lekin ab bhi ye jadtar advertising platform se achi income deta hai, ye un logo ke liye bohot acha hai jinhone naya blog khola hai. Aap Google se ads lete ho jo Google visitor ke hisab se apne aap dikhata hai, agar visitor us Ad par click karta hai to Google Aapko us click ke hisab se kuch paise deta hai, Ise hum Pay Per Click program PPC bhi kehte hai.
Affiliate Marketing
Affiliate marketing se aap apne blog se bohot achi income kar sakte hai. Affiliate marketing me aap apne blog par jis bhi baare me likhte hai usse related ek product daal dete hai aur jab koi bhi vyakti wo product kharidta hai to aapko us product par commission milti hai. Affiliate me hume wo hi products promote karne cahiye jo hume khud pasand hai, har time sirf paiso ke liye bekar products ko promote karne se aapke visitors ka trust aapse kam ho jayega.
Apna Product benche
Affiliate me aapko commission milti hai jo ki product ke hisab se kam ya jada ho sakti hai. Lekin agar aapke pass apna koi product hai to wo aap apne visitors ko bech sakte hai, apna product bechne se aapka poora control apne product par rahega, aapki popularity bhadegi aur aapko product ke poore paise milege.
Referral Income
Referral income ka matlab hai ki jab aap apne visitor ko kisi ki website par signup karne ko kehte aur agar aapke kehne se aapke visitor nai us website par sign up kar lia to aapko kuch paise milte hai.
Aapne ye tarika aaj kal nayi nayi kayi aaps me bhi dekha hoga, jaha aap apne kisi friend ko app download karne ko kehte ho aur agar wo app download karta hai to aapke pass kuch paise ya mobile balance aa jata hai.
Aage Padhe :
Direct Advertising
Maan ligiye ki aap apni website par school ke baccho ko sikhate hai, aur aapki website par acha traffic hai to aap Google Adsense use karne ke bajaye, Direct Ads use kar sakte ho. Direct Ad ke liye aap kisi school ya university ko approach kar sakte ho jo aapki website par apna banner lagane ke aapko ache paise de sakte hai.
Paid Reviews
Aapne dekha hoga ki internet par kayi websites konsa mobile acha hai aur konsa bura ke baare mai likhti hai, aise articles ko hum review kehte hai. Review ka matlab kisi product ke upar apna sujhav dena.
Jis product ke internet par ache review hote hai wo jada bikta hai. Review website par writer apni margi se likhta hai.
Leking kayi companies hoti hai jo blogger ko paise dekar apne product ke baare mai review karne ko kehti hai, blogger dwara apne product ko review karwane se unki sales bhadti hai. Aise review ko paid review kehte hai.
To agar hum fir se school teacher ke example le to aapko koi publisher nayi kitab ke baare me paid review likhne ko keh sakta hai, jisse ki uski kitab ki sales bhadegi aur aapko bhi kuch paise mil jayege.
Lekin review sirf unhi products ko karna jo aapke blog ke visitors ko fayada de, nahi to unka aapki website se trust khatam ho jayega.
Build Email List
Email list un emails ki list hoti hai jo log aapke blog par subscription karte samye bharte hai. Email ek bohot hi bhadiya tarika hai paise kamane ka aur apne website par visitors laane ka.
Aisa isliye hai kyoki Email list poori tarha se aapke control me hai. Agar Google apne search engine ko update karta hai aur aapki ranking neeche aa jati hai aapka uspar koi control nahi hai.
Leking jab bhi aap koi naya article likhte ho to aap wo article apni Email list ko bhej sakte ho, log Email ke dwara aapki website par aayege jisse ki aap achi earning kar sakte hai. To jitni badi aapki Email list hogi utna jada aapko fayada hai.
Service Sell Kare
Agar aap web designing ke baare me blog kar rahe hai to aap blogger ke sath sath aapni website par aaye logo ko direct service bhi de sakte hai.
Direct service se mera matlab aap kuch paiso ke badle unke liye website bana sakte hai.
Agar aap teacher hai to aap unhe direct coaching bhi de sakte hai.
Aisi service ko hum Freelancing service bhi keh sakte hai. Service se aap jitna cahe utna paisa kama sakte hai, aapki earning aapke skills aur service ki quality par nirbhar karti hai.
Kya kare?
Apne blog se paisa kamane ke bohot se tarike hai, maine aapse kuch best tarike share kiya hai. Ab aap ek ek karke in tariko ko apne blog par laga sakte hai, aur jo tarika aapke blog par kaam kare usee use karte jao aur jiska response acha na ho usse hata do.
Neeche comment me jaroor bataye ki aap konsa tarika use kar rahe hai, isse mujhe pata lag payega ki Vikas Plus ke reader ko konsa tarika pasand hai, fir hum uske baare me aur jada likhne ki koshish karege.
Agar aapko ye article pasand aaya to apne dosto ke sath jaroor share kare.
Thank You 